فلاح علي كرسي العرش

2006/05/31

القائمة القاتمة

هذه قائمة بأسماء مدونين عرفتهم عن قرب أو أدّعي ذلك
ولاحظت ان كل واحد منهم له لعنته الخاصة التي تحكم تصرفاته وتجعل له رونقه الخاص
وتبعا للنظام الديمقراطي الذي ننعم به سأذكر اللعنة التي أصابت هوميروس
وإيمانا بالديمقراطية سيكون الترتيب تبعا للترتيب الهجائي
عشان يبقي هوميروس آخر اسم
ـــــــــــــــــــــــــــــــــــــــــــــــــــــــــ
اصابته اللعنة البيضاء
فهويخرج من الدنيا كما دخل فيها لا يستطيع أي شئ ان يكسبه لونا آخر
قد يعتبر البعض أن تلك ليست لعنة
نعم فهي في ذلك الموضع ليست لعنة ولكنها حينما تكون متعلقة بالدراسة فهي قمة اللعنات
ــــــــــــــــــــــــــــــــــــــــــــــــــــــــــــــــــــــــــــ
اصابتها لعنة التحليل فهي قادرة علي تحليل أي شئ من أشخاص إلي أعمال أدبية
حتي النكت ياريتك كنتي في كليتنا كنتي جيبتي امتياز
ــــــــــــــــــــــــــــــــــــــــــــــــــــــــــــــــ
اصابته لعنة التبغ وهو لا يراها انها ليست لعنة مطلقا بل ان الذين لا يدخنون هم الملعونين
وترتبط لعنة التبغ بلعنة أخري هي الشعر
يقول عوليس لكمنجة وهوميروس لا يوجد شاعر علي وجه الأرض لا يدخن من لا يدخنون هم مُدّعون
انا ياعم الحاج مش مدّعي انا لما باجي اكتب بولع سيجارة جنبي بدل البخور واهو تدخين سلبي
ـــــــــــــــــــــــــــــــــــــــــــــــــــــــــــــــ
أصابتها لعنة الحيرة
فهي كاتبة متفردة ورسّامة لها رونقها
وممثلة بارعة وعازفة درمز وأخيراَ مغنية
ــــــــــــــــــــــــــــــــــــــــــــــــــــــــــــــ
اصابتها لعنة الليمون
مع ان اكسترا خلّص اللمون اللي في البلد الا انها لازالت محتفظة بلعنتها الليمونية
وتتلخص لعنتها في ان تظل خضراء طوال عمرها كشجر الليمون
لا يثنيها عن خضارها إلا الموت
ـــــــــــــــــــــــــــــــــــــــــــــــــــــــــــــــ
لا أدري كيف أسمي لعنتها فهي خليط من مجموعة لعنات
حسنا سأسميها اللعنة المحوّجة
فهي منطوية ولكنها اجتماعية الي حد كبير حزينة داخل أوراقها ومرحة طوال الوقت
رومانسية بشخصيتها الإفتراضية واقعية بشخصيتها الحقيقية
ـــــــــــــــــــــــــــــــــــــــــــــــــــــــــــ
أصابته لعنة اللبلاب فهو يحب السلطة إلي حد كبير
موقف في أحد المطاعم الفخمة معزومين طبعا:تعرف ياهوميروس مش بعيدة ان دي تكون البداية
بعد كده ممكن تلاقيني نازل من عربية هيئة سياسية وداخل المطعم ده تاني
ـــــــــــــــــــــــــــــــــــــــــــــــــــ
أصابتها لعنة الكتابة
كانت تعيش داخل لوحاتها الهادئة بألوانها المميزة الأزرق والأحمر المنسقين في شكل كاروهاتي
وبعد قليل أجدها تعيش حياة أخري مليئة بالضوضاء داخل مدونتها
لكنها لم تتخلي بعد عن ألوانها الأصلية وعن تقسيمتها الكاروهاتية
ــــــــــــــــــــــــــــــــــــــــــــــــــــــــ
ميصحش اني أقول لعنتي وانتم موجودين أمال انتو هتردوا علي البلاوي اللي فوق دي ازاي لازم تاخدوا بتاركم
وعموما انا هقترح لعنة من عندي لنفسي
هوميروس توالت عليه لعنات عديدة فلم تجد منه فائدة فاعتبرته لعنة هو وحده
ــــــــــــــــــــــــــــــــــــــــــــــــــــــــــــ
ملحوظة اي شخص معترض علي لعنته المذكورة او يري تصحيح للعنة شخص آخر فليكتب طلب علي ورقة دمغة يتم النظر فيه
هذه اللعنات غير مرتبطة بأسلوب الاشخاص الإفتراضيين انما هي مرتبطة بالشخصيات الحقيقية ولم أذكر الاسماء الحقيقية منعا للفضايح
تقبل أي لعنات لأشخاص آخرين بشرط المعرفة القوية
تم كتابة هذا البوست علي أنغام أغنية من خمسة لخمسة ونص معرفش مين اللي مشغلها لكن كان لازم اذكرها في المقال
أستودعكم الله

2006/05/23

سؤال

هي قالت اني بقول علي نفسي اني كئيب معرفش ان كنت قلت عن نفسي كده مرة او لا مش فاكر
بس دايما انا بحاول أخبي كآبتي
المهم انا مش هرقم الاسباب لاني مش هدور عليها
ريحة البن المحمص المصحون اللي (اجمل من اي ريحة تانية)وياسلام لو تكون الصبح
محمود وليلي لما بيقولوا لي ياخالو
امي لما بتصحيني من النوم
ابويا لما اخليه يضحك من قلبه
اختي الصغيرة لما اتخانق معاها
اني اصحي بدري واقعد فوق السطح
صيد السمك الصبح بدري
النوم بعد يوم مرهق
عينين ماري جارتنا اللي كلها شقاوة
البنت اللي بستني دايما انها تقولي بحبك
اني العب كورة مع زمايلي في ثانوي
الرُّقاق
اني اسمع نكته جديدة حلوة
اني اقرا لعفيفي مطر واستمتع من غير ما احاول افهم
يوم قطف العسل
اني احس ان ربنا راضي عني
-اني اكتب قصيدة اكون حاسسها مش مشكلة تكون حلوة او وحشة- من وجهة نظر الناس طبعا
عينين مني اللي ما فيش اصفي من خضارها
طيبة سماح
صوت منير
المسلسل الكوري(جوهرة في القصر)و
فيلم الكيف
المسقعة جيدة الصنع
بكره الموت حبي للحياة مرتبط بكرهي للموت وزي ما بيقول درويش واكره موتي لاني اذا مت اخجل من دمع امي
بعض الناس اللي في فيها
احمد اللي بيفهمني من غير ما اتكلم واللي بحس ان هو ضميري الغلس
محمود الطاهر اللي مفيش اطهر منه
عوليس اللي بيخاف علي زي اخويا الكبير(انا ماليش اخوات صبيان)غيره
محمد عزت اللي بقدر افتح قلبي معاه من غير خوف
صابر الرايق اللي بيحسسني ان ما فيش اي حاجة في الدنيا تستاهل توتر
اسلام ابن خالتي اللي عمره ما عمل حاجة غصب عنه
الاربعة اللي عايزهم يجاوبوا علي السؤال

2006/05/20

ايقونة لقديس قادم

اليوم هو يوم البيدق
اترك ملوك العشق يتباهون بطول قاماتِهم
وسرْ وحدك بخطواتٍ رشيقةٍ واثقة لا يعرفها غير الفرسان
ربما قد سرقوا جوادك او نزعوا التاج من رأسك
لكنك هنا لا تزال تملك الشمس
كهالةٍ حول رأس قدّيسٍ مبارك
كلما ازدادت غروباَ كلما ارتفعت هامتك
لتعم ظلالك فوق رؤوسهم
لا تطع رخاَ ثملاَ يأمرك بأن تقتل نفسك
فقط جرِّد سيفك واتلو آياتك المباركة
سر الي حيث وقفت يوماَ
اصرخ صرختك الأولي
اضرب رقعتهم بقدميك النحيلتين
لتصبح مركز زلزالهم القادم
وابقي وحدك بين عيون شمسك التائهة
.حتي يأتيك جنودٌ أخرون يوماَ قد فعلوا مثلك

2006/05/03

Tagged

افتح أقرب كتاب إليك، على الصّفحة 18، السّطر 4
والله مش معايا كتب
مطّ ذراعك اليسرى قدر ما تستطيع
دماغ واحد قاعد جنبي اصل انا في سيبر
ماآخر ماشاهدته علي التليفزيون؟
برنامج البيت بيتك
بدون أن تسترق النّظر، تكهن كم السّاعة
الساعة 7
والآن كم السّاعة فعلا؟ً
الساعة7.10
باستثناء صوت الكومبيوتر، أيّ صوتٍ تسمع
صوت اللي قاعدين علي اجهزة تانية
متى خرجت من المنزل للمرّة الأخيرة؟ ماذا كنت تفعل؟
النهارده دلوقتي حالا قاعد ع النت
قبل مباشرتك بهذه الأسئلة، أيّ موقعٍ كنت تتصفّح؟
الانبوكس بتاع الياهو
ماذا ترتدي الآن؟
تيشيرت وبنطلون
هل حلمت ليلة أمس؟
لا والله ما لحقتش نمت ساعتين بس عشان كان عندي امتحان ربنا يجيرك من نوم الامتحانات
متى آخر مرّة ضحكت؟
قبل ساعتين مع بنت اختي عندها 3سنين
ماذا فوق جدران الغرفة حيث تجلس؟
ملصق عليه الكعبة واسلاك
هل رأيت شيئاً غريباً مؤخّراً؟
الصيف دخل والموضة السنة دي ما اقولكيش ربنا يعدينا منها علي خير
ما رأيك في هذا الاختبار؟
لعبة لذيذة
ما آخر فيلم شاهدته؟
ابوالعربي
إذا أصبحت فاحش الثّراء، فماذا تشتري؟
اشتري 51في المية من اسهم شركة فايزر واحتكر صناعة الفيجا واذل الامريكان
أخبرني شيئاً أجهله عنك
والله ماعارف انتي تعرفي ايه بالظبط بس ممكن اقول اني بعز المسقعة
إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟
اخلي الناس يرجعوا للطرابيش والستات للبرقع انا عارف الصباحي ما نجحش في الانتخابات ليه
جورج بوش؟
دي كلها شتايم قبيحة.........................
لو كان وليدك الأوّل فتاةً، فماذا تسمّيها؟
مريم
لو كان وليدك الأوّل صبيّاً، فماذا تسمّيه؟
الاول محمد والتاني يوسف معلش عشان مفيش حد منهم يزعل
قد تفكّر يوماً في العيش بالخارج؟
قد تفكر ده انا بفكر بقي لي كتير
ماذا تتصوّر أن يقول لك الله عندما تقف بين يديه؟
اتمني ان ربنا يسامحني
أربعة أشخاص تمرّرلهم الدّور؟