فلاح علي كرسي العرش

2008/02/26

بروتوكولات هوميروس

لا تخشي يوما ان تتعري فلقد خلقت لك من اوراق التوت ما يكفي لتواري به سوءتك

الحلم مساحة خضراء هربت من قتامة الواقع
لكن لماذا لا تسع تلك المساحة احدي قدماي
الليل مرآة لوجع قديم والشمس مقصلة لاحلامك وميلاد لوجع جديد
اعطني قلبا غير ذاك الذي ياكله الصدأ لأمنحك حلما تقتات به حتي الغد
لا تحاول تتبع خيوط العنكبوت لكن انسج من نفسك خيطا واحدا تسير عليه
لا تزهو علي مخلوق فتكن كوسطاك تزهو علي باقي اصابع كفك تحاول الخروج من بينهن فيمقتك الناس

4 تعليقات:

At 27/2/08 8:13 م, Blogger كرانيش said...

حلو الكلام

بس مش عارفه ليه حاسه بيه زى الارشادات المدرسه رغم رقيها وادبيتها

فين الشعر ياعم الحج؟؟؟

بس على فكره عيب تيجى ومتدخلش اوضه النادى

بقه ده كلام؟؟

 
At 16/3/08 2:49 م, Blogger syzef said...

والله زمان يعم هوميروس..بقالي كتير ماجيتش النواحي دي خالص..ازيك جدا جدا

اول بروتوكول عاجبني قوي قوي..ويمكن هو من وجهة نظري اقواهم لان الباقي كان فيه كده اصداء لكلام معهود ومكرر

اول حاجة دي فكرتني بأغنية بحبها لكاميليا جبران اسمها أنكمش
بتقول..أتعري..أتعري..جلدي لحمي عظامي..سلالتي ذريتي

خلينا نشوفك بقي

 
At 25/3/08 7:21 م, Blogger كائن العزلة الكئيب said...

ازيك هومو
بما ناى اشتغلت اخيرا و دخلت علم الواقع فانا حاسس بالأزمة اللى بتمر بيها
ابداعيا و حياتيا
انا و انت و كل اللى بكتبوا و بيشتغلوا فى نفس الوقت فى الزمن المر ده
لازم ياخدوا موقف جرئ قرار مصيرى هام مفاجئ مثل ترك العمل والانشغال بالكتابة للأبد حتى لو شحذنا
حرام معدش فاضل كتير
بالمناسبة فلوسك انا حايشها على جنب متقلقش هاسيب الشغل لما اسدد ديونى
ههههههه

 
At 18/4/08 10:38 ص, Blogger هوميروس said...

كرانيش
صباح الخير
الشعر هرب من زمان لدرجة اني احيانا بستغرب ازاي انا كنت بكتب عموما يمكن ازمة وهتعدي او يمكن السبب هو الشغل زي ما الحلو بيقول
اما موضوع عيب ده فأعتقد ان العيب بقي مسألة نسبية


سيزيف
تنور النواحي دي والنواحي التانية كمان
عموما حكاية الروتوكولات دي هاجس كده كان بيدور في دماغ الواحد وانا كتبته عشان اريح دماغي من الدوران
بفتكرك كل ما انزل مشتول واتصلت بيك مرة علي الرقم اللي انت كنت بعتلي بيه رسالة
عموما ياريت اشوفك قريب او اسمع صوتك ع الاقل اوكي


كائن العزلة الحلو
عندك حق في موضوع الكتابة والشغل ده بس انت عارف اني انا ملقي علي عاتقي مشكلة استمرار النوع وده يوجب عليا اني لازم اتجوز وعشان اتجوز لازم فلوس وعشان الفلوس لازم شغل ولو فيه شغل ممكن ما يبقاش فيه كتابه انا عن نفسي عايز اقعد م الشغل بس نعمل ايه كله عشان الوطن

 

إرسال تعليق

<< Home