وحدة

ان تصبح سماؤك خالية إلا منك حتي إلفك

ربما تستأنس ساعتها بسحابة تواريك عن عيون الآخرين

تاج

لفتة رقيقة من شمعة انها تمرر لي التاج ده

هل انت راض عن مدونتك شكلا وموضوعا؟

شكلا راضي جدا اما موضوعا فممكن اقول زي محمد هنيدي في فيلم وش إجرام "إلي حد ما"ممكن تحكموا انتم

هل تعلم اسرتك الصغيرة بأمر مدونتك؟
أيوه يعرفوا بس مفيش حد دخلها قبل كده يمكن ابن خالتي انا كده مبسوط اكتر

هل تجد حرجا في ان تخبر صديقا عن مدونتك ؟
بالعكس يمكن بحس بنشوة لما حد بيعرف من اصحابي وبيدخل علي المدونة طبعا هتسألوا مين نشوة دي دي تبقي بنت الجيران الله يرحمها

هل تعتبرها امرا خاص؟
بأعتبرها أمر خاص من ناحية اني بكتب فيها اي حاجة بحسها من غير ما اي حد يتدخل بس بحب الناس كلهم يدخلوها
هل تسبب المدونات بتغير ايجابي لافكارك؟اعطني مثال ف حالة نعم.؟
أكيد خليتني أفكر بحرية أكبر وأسمّع الناس اللي عايزهم يسمعوها اللي هم ممكن يقدروها كويس

هل تكتفي بفتح صفحات من يعقبوك بردود ف مدونتك ام تسع لاكتشاف المزيد؟

في بعض الأوقات بلاقي متعة كبيرة في التوغل خلال المدونات اللي معرفهاش

ماذا يعني لك عدد الزوار ...هل تهتم بوضعه؟
اكيد بهتم بوضعه ولما بيكون عدد الزوار كبير بس مفيش تعليقات كتير بعرف اني اللي انا كاتبه ممكن يكون معجبش اللي دخلوا بس في نفس الوقت بحس اني في ناس كتير مهتمة بمدونتي

هل حاولت تخيل شكل اصدقائك المدونين؟
كتير.........مثلا إياكش تولع نفسي أشوفه وعامله صورة في خيالي ما تخافش يادكتور الصورة بوستر كبير مش 4في6

هل ترى فائدة حقيقية للتدوين:؟
ليه فايدة كبيرة شخصية وعامة يعني بيبقي منفذ كويس في حالة الضغط النفسي والعصبي واسلوب تواصل مع بعض الأصدقاء وكمان بيشكل رأي عام ممكن يبقي مفيد

هل تشعر ان مجتمع المدونين مجتمع منفصل عن العالم المحيط بك ام متفاعل مع احداثه؟
إلي حد ما برضه اللي يخرب بيتك ياهنيدي

هل يزعجك وجود نقد ف مدونتك ام تعتبره ظاهرة صحية؟
النقد المحترم ابن الناس بيبقي جميل وبيعمل تفاعل زي ما كان حصل مرة لما نشرت القائمة القاتمة أما النقد الاوفر دي مبحبوش بس بسيبه برده

تخاف من بعض المدونات السياسية وتتحاشها؟ هل صدمك اعتقال بعض المدونين؟

أكيد ما بخافش منها لكن بتحاشي بعضها اللي بتبقي أوفر اوي اما المدونات اللي فيها كلا مظبوط دي بتعجبني جدا اعتقال المدونين مصدمنيش لأن الإعتقالات موجودة من زمان انما اللي صدمني إزاي وصلو لهم وخلاني آخد بالي

هل فكرت بمصير مدونتك حال وفاتك؟
فكرت لأن ما فيش حد يعرف الباسورد غيري بس ناوي انشاء الله أقوله لواحد حبيبي يبقي يكتب النعي بتاعي في حالة وفاتي أو اعتقالي

آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟

آمال فهمي دي بتاعت برنامج ع الناصية صح

عموما انا بحب احط موسيقي عشان ما تشغلش اللي بيقرا ولكن في بعض الأوقات بيبقي في أغنية عاجباني ولازم أحطها حتي لو ما كانش وقتها زي الأغنية اللي موجودة حاليا بس دي بتاعت البوست اللي فات
اكتب اسماء خمسة تمرر ليهم الدور

شبابيك

ميندونا

غادة غنيوة

عوليس

غادة الكاميليا

إياكش تولع

شغف

زرياب

أظن كده هم خمسة بالظبط

غريبة

كنت نشرتها مرة قبل كده

مع ان وشي مفيهوش ملامح الزنوج بحس اني عندي شهامتهم

ومع ان شعري مش طويل بحس ان انا عندي شجاعة الهنود الحمر

ومع ان عيني مش ضيقة بحس ان انا عندي احترام اليايانيين

ومع ان كل ملامح وشي عربية حاسس ان انا عندي كرامة