إزاي ممكن تكون عريس\عروسة؟

نط السؤال في دماغي مرة واحدة خير اللهم اجعله خير

:كانت الإجابات كالتالي:بالنسبة للرجال والاولاد

راجل عجوز:عايزنا نرجع زي زمان...مفيش حاجة بعيدة علي ربنا

شاب عنده 25سنة:ب150الف جنيه....يعني شكلها كده مفيهاش جواز

عيل صغير في أولي ابتدائي:كمان أربع سنين ...اهو يدوب تكون خلصت ابتدائي

مش شاب قوي عنده 45سنة:ياسلام حباية أصلية وليلة خميس.....ومالك كده بتتكلم زي ما تكون بتحلم

:اما السيدات والآنسات فكانت الإجابات كالتالي اعفوني من تحديد السن

انا عارفة الشبان اتعموا ليه....المشكلة انهم مفتحين-

ربنا يبعت.....آمين يارب-

ياخويا ايدي علي كتفك.......لا والله انا كتفي مشغول-

ابقي قابلني ......طب ليه التشاؤم-

بلا نيلة هي المشرحة ناقصة قتلا...مدوباهم اتنين-

ملحوظة:بعض هذه الاجابات حقيقية وبعضها تخريفية

ملحوظة2:اللي عنده اجابات تانية ياريت يضيفها وعقبال حداكم وزغروته ياحبايب والف مبروك ياام اشرف