هلاوس ما قبل الخطيئة
لان الليلة تنضح بالتفاح فأنا آدمٌ صغير
ولأني لا أملك شيئا فلتكن لحيتي قرباناً لخطيئةٍ لم تأتي
لا زال البدر نقطة حليب تنساب علي صدر فتاةٍ زنجية
فليكن اكتمالها ميقاتاً لخروجك
أطلق بركانك المكتوم لتوقد جبهتك
انثر بعض الشوك في رأسك واسلخ نابك عن افعاه
قف فوق جبلٍ جليدي علك تذيبه
كن بطلا اسطوري واقتل جنيات النهر لتبقي وحدك
اكتب اسمك بحرفين من دم ونار علي كل الوجوه حتي تخمد نارك او ينفذ دمك
ولتأوي الي كهفك مرة اخري تنتظر ارتشاف الشمس نقطة الحليب
لترد لك ملامحك الآدمية
بردية هوميروس @ ٩:٣٢ م
18 تعليقات:
وبعد أن ترتشف الشمس نقطة الحليب
وترى ملامحك الآدميه
أيضاً ستكون وحيداً
لكن صدقني ياهوميروس الوحده اللي ساعة نقطه الحليب متكتمل بيكون جواك زحمه جامده جدا .. لكن زحمه هاديه وصافيه جدا, زحمة ماقبل الخطيئه التي لم تأتي بعد
بس أوعى تكون دي هلاوس ماقبل الامتحان
لا بجد بركان جامد ده يابنى
انت الحالة بتزداد عندك من بوست للتانى
زى مايكون ده التطور الطبيعى للحاجة الساقعة
ربنا يستر
ههههههههههه
حلوة يافنجان
ده التطور الطبيعي ل هوميروس
شجن وبصراحة انا كده هخاف عليك يا هوميروس متوجعليش قلبي وحياتك
غادة: ربما بتكون الوحدة قرار ضروري جدا في بعض الحالات بالذات لما يكون الامر متعلق بخطيئة اما بعد تلك اللحظة فده عايز له بوست تاني يحكيه
علي فكرة احنا جامدين اوي ومابيهمناش اي امتحانات
فنجان:طبعا التطور ده بفضل توجيهات سيادتك الفظيعة والايحاءات بتاعتك اللي هتوصلنا للحالة اللي انيل من كده(اي خدمة)
شغف:والله انا اللي متشكر علي كلامك ده لاني عارف انك مابتجامليش والكلام ده رجعني لايام النادي ومبسوط كمان لان كل حاجة قصدتها وصلتك زي ما انا عايز
علي فكرة انا ما قريتش لاي حد من اللي انتي قلتي عليهم غير لعفيفي مطر يعني ده مجهود شخصي بس اتفرجت علي الفيلم
gamed el post dah 3ala fekra ... dah shi2 ra2e3
antouk
إممم
مش فاهم حاجة .. بس أعتقد إن العيب عندي انا، لأن اللي علقوا قبلي واضح إنهم فاهمين
أستأذنكم كي أشرب بعض الحليب
انا بحترم هلاوسك يا هوميروس
حتي لو كانت خطيئة :)
لان الليلة تنضح بالتفاح فأنا آدمٌ صغير
ولأني لا أملك شيئا فلتكن لحيتي قرباناً لخطيئةٍ لم تأتي
لا زال البدر نقطة حليب تنساب علي صدر فتاةٍ زنجية
فليكن اكتمالها ميقاتاً لخروجك
كلام جميل يحميل بداخلة معانى اجمل
ربنا يوفقك
الى الامام
انتوك:تشكر ياغالي علي ذوقك
ابراهيم: الله يخليك انت بجد شرقاوي لو كده اكتبلي ايميلك عشان نرتب مقابلة بسرعة
احمد شوكير:العيب مش عندك ولا حاجة هي الحكاية مجرد لقطة ممكن توصلني ومتوصلش غيري بس شغف قايلة كلام حلو ممكن تقراه متحرمناش من طلتك علينا
ميندونا: قمة التحضر ان احنا نحترم اخطاء بعض بس عموما الخطيئة لسه ماحصلتش
تامر:ده انت اللي جميل ياجميل
www.shayfeen.com
من فجرا يومنا هذا الموافق(27 ابريل 2006) توا جدت كاميرات شايفنكم في قلب الحدث..الجمعيه العموميه لنادي القضاه لنقل احداث حيه و ردود فعل فوريه لما قد تؤل اليه الجلسه التأديبيه المقامه ضد كل من المستشار هشام بسطويسي و المستشار محمود مكي..ايماناً منا بدعم مسيرة استقلال القضاء...
وعلى الرغم من ان الجلسه قد تم تأجيلها بسبب عدم اخطار المستشارين و عدم وصول اي ورق لهم يوضح ما سوف يتم التساؤل عنه معهم حتى صباح هذا اليوم...الا ان ردود الافعال كانت اقوي من ان تتجاهلها كاميراتنا..
فمنذ ان صاحبنا القضاه في تمام الساعه العاشره صباحاً اثناء مغادرتهم لنادي القضاه و ذهابهم الى محكمة دار القضاء العالي قابلنا العديد من المسيرات التي تؤيد القضاه و تثبتهم على موقفهم النزيه..فأمام نقابه الصحفين وقف المئات من المتظاهرين..(صحفين مع مواطنين (في مسيره مؤيده لاستقلال القضاء..هذا غير الاعداد التى لم نستطع ان نحصيها التى تتظاهر امام نقابه المحامين تطالب بايمان بضروره استقلال القضاء..و قد تهافت على كاميراتنا العديد من المتظاهرين و كأنهم يطالبونا بأن نشهد على موقفهم و نوصل تلك الشهاده لكل مواطن في بلادنا..
وبسبب كل تلك الحشود المتظاهره في رمسيس و شارع 26 يوليو و عبد الخالق ثروت و صولاً بشارع شامبليون فوجئنا بتلك الحشود الامنيه الجباره و التى وصلت الى 80 عربيه امن مركزي..و كان كل همهم هو ان يمنعوا و صول المواطنين المتظاهرين عن الوصول الى القضاه الذين جاءوا ليؤيدوهم ..السؤال هنا..لماذا كل هذه الاعداد من رجال الامن المركزي؟...و لماذا هذا الاصرار ان يبعدوا المواطنين عن القضاه لدرجة ان يلجأوا الى ضرب العديد من المتظاهرين و القبض على آخرون.؟ و لماذا اثناء التظاهر منعوا كاميراتنا من الاقتراب من نادي القضاه؟......
اليوم...يعد نقطه هامه و مؤثره في مسيرة استقلال القضاء برغم كا ما واجهناه من صعوبات امنيه..و ستستمر حملتنا بالرغم من اي شيء حتى الخامس و العشرين من مايو...و سنظل مسلطين كاميراتنا و اعيننا على كل ما يحدث...و سنظل شايفنهم بكل تعسفهم و تجوازتهم و ننقل لكم_ بأمانة المدافع عن العداله_ ما يخطو اليه وطننا الآن نحو التغير الحقيقي....فتتضامنوا معنا...
نحن شعب يُسلب منه اهم و ابسط حقوقه..العداله!
فلا عداله بدون قضاء نزيه..و لا نزاهه لقضاء دون استقلاله!
فتضامنوا معنا من اجل وطن يستطيع كل مواطن فيه ان يؤمن ان هناك عداله
www.shayfeen.com
هوميروس
أسلوبك جميل جدا.....لا تتوقف
حلوه؛ولنا تعليق..... لحظة التحول لحظه تحمل الكثير من المعاناه كلحظة الكتابه تماماْ؛ولذلك لا استبعد ان تكون هذه الحظه هى لحظة الانسلاخ من الواقع والاندماج فى الآلمو.....والكتابه
عبرت جيدا ولكن لحظة الالم لم تَصف بالقدر الكافى؛الالم كان يحتاج الىمعاناه حقيقيه
تعليق شغف اوضح مناطق كثيره؛كالعاده هى تجبرنى ان اقرء التعليق للنهايه
اميرة حسن:مع ان ده ملوش دعوة بالتدوينة بس احنا شايفينهم من زمان ومفيش حد قادر يتكلم بس لما الحكاية توصل للقضاء يبقي لازم في وقفة
اياكش تولع:منور ياباشا وده كله من ذوقك والله
كمانجة: واحشني والله بس انت كده بتكشف نفسك ياغالي اصحي
واد يا هوميروس..انا ابن ستين غلطانة فى حقك ..انى ما دخلتش البلوج ده من زمان
سيبك انت المهم انك نورتها ياغالي
متبقاش تغيب علينا بقي
ملامح آدمية يرسمها الفضول على وجهه و يقابلها بابتسامة تدعى عشقه للحياة
قريتها كتييييييييييييير
بص، فنجان كان عندها حق (أوعى تقول لها لا)... انت فعلاً الحالة بتتطور عندك.. احم
المهم يعني
إنه، إسلوبك ده جديد فعلاً بالنسبة اللي قريته لك قبل كده
غير متوقع إنه يطلع منك تماماً
جليلة:الله يخليكي الكمال لله
change denisty:دايما تعليقك مختلف ربنا يحفظك
ghada:والله ماانا عارف ايه اللي انتي بتقصديه انتي وفنجان
المهم ان انتي منورة المدونة لاول مرة
إرسال تعليق
<< Home