فلاح علي كرسي العرش

٢٠٠٦/٠٣/١٥

عفريت


دايما مستخبي في جيبي الشمال بيلخبط لي كل حاجه
ويطلع في اي وقت بشرط مايكونش الوقت المناسب
فاخبطه علي دماغه واغطيه بمنديل بنفس لون الكارافته
.يمسك دقنه ويهزلي دماغه
لما النور ينطفي يبقي ده الوقت المناسب عشان اتقي شره واصالحه
اتأكد ان مفيش حد واخد باله اشيل المنديل فينط من جيبي
يفك لي الكارافته
يبص لكل اللي قاعدين ويطلع لسانه
يوقع العدسات للأمورة اللي جنبي
يبوظ الجيل اللي في شعر اخينا اللي في الركن
ويبص لي ويلاعب حواجبه
اجري وراه اتكعبل في الكارافته
ينط في السقف انط وراه... هوب
مسكتك............
ايه ده.. ايه الناس دول كلهم
النور جه........
مش انا......
.....والله ما انا.....

6 تعليقات:

At ١٥/٣/٠٦ ٣:٥٤ م, Blogger shababik said...

ولا انا يا ميروس
لذيذة

 
At ٢٥/٣/٠٦ ٢:٢٩ م, Blogger هوميروس said...

شبابيك: يبقي مين بقي؟
ابراهيم: افصد اي حد غيري

 
At ٢٦/٣/٠٦ ٧:٤٣ م, Blogger mariamagdolen said...

انت بجد تلمس احساسىوعملك تحفة

 
At ٣١/٣/٠٦ ٦:٣١ م, Blogger mindonna said...

عجبتني
:)

 
At ٢/٤/٠٦ ١٠:١٣ ص, Blogger هوميروس said...

midonna&mariamagdolen:
منورين المدونة
وعلي راي محمود عبدالعزيز تعالي تاني

 
At ٢/٤/٠٦ ١١:٣٤ م, Blogger غادة الكاميليا said...

أوعى تخلي العفريت يستخبى تاني
اسمع كلامي .......... جميل ياميروس

 

إرسال تعليق

<< Home