كدبه
سمعتها منكم اول ما اتولدت
وقولتها اول ما اتعلمت اتكلم واول مرة زوّغت فيها من المدرسة
وقلتها كتير لما كنت باكل لبان بعد ما اشرب سجاير
وقلتها لأول بنت مشيت معاها
بس مقدرتش اقولها للبنت الوحيدة اللي حبيتها
وفرحت اوي لما قلتها لنفسي بعد ما سابتني
كدبة مستعد اقولها لأي حد فيكم
.بس بشرط ميقولش عليّ كدّاب
بردية هوميروس @ ٣:٢٧ م
4 تعليقات:
لا مش عاوزاك تقولهالى عشان هاقول عليك كداب طبعا
كداب يا ميروس
فنجان قهوة:عاجبني موقفك بس صدقيني الكدبة دي بتسمعيها كل يوم من ناس تانيين كتير او حتي من نفسك
شبابيك:حلو الاسم ده "ميروس"
انما انت عارف ان هوميروس عمره ما كان كداب
السلام عليكم , شباب , هوميروس ..
لو بتتكلم عن اشكالية الكذب عامة انا معاك ان كلنا اذا حاولنا منكدبش على بعض بنكدب على نفسنا .. بس كذب جارح عن كذب دامى عن كذب يأثر فى حياة المكذوب عليه طول العمر يفرق .
لو الواحد انسان بجد حيحاول مايكدبش ولو انسان امين حايحاول مايكونش كدبه مؤذى ولو انسان عايز يكون انسان نضيف يوم ما يكذب حايعتذر ... بس الاكيد ان كلنا بنكذب
ثانياً : معلش يا رفيق هوميروس .. يعنى .. بس .. اصل.. هوميروس طول عمره كذاب .. اصل مش ممكن ملحمة زى الالياذة تكون نتيجة تفاحة ! واوديسيوس بعد العذاب ده كله يرجع ايثاكا ..
إرسال تعليق
<< Home